ع السلامة , عندي برشا نستنى فيك بش تحل الكتاب و تبدا تقرى في أول سطر . ما نعرفش . نحسها لحظة عندها نفس النكهة متاع العلاقات في بداياتها . هكا, زوز مالناس تلاقاو . ما يعرفوش بعضهم . آما يعرفو ا اللي مع بعضهم بش يعيشوا حكاية ممكن بش يقعدوا يتفكروها لفترة طويلة . أنا زادة عشت نفس اللحظة هاذي مع كل جواب بهثهولي سامح . كان ديما يبعث لي جوابات . و في النهار مالنهارات قص جملة . عندي توا تقريب عامين ما سمعت عليه شيء. آخر رسالة بعثها لي , قال لي فيها " هاذي آخر حاجة نكتبها . موش ليك فقط. هاذي آخر حاجة نكتبها " و من بعدها إ ختفى .......