عِينِكْ خَرْزَة وِ عْڨِيڨَة وِ الشِّفَّة رْڨِيڨَة مَرْسُومَة تْرَمّْشِي تْكَفِّرْ التَّرْمِيشَة بْرَفَّة عَ الذَّنْبْ مَعْصُومَة وْ لِينِكْ يِشْفِي التَّشْڨِيڨَة مَاعَاشْ الڨَمْرَة مَڨْسُومَة اِمْشِي عَ ڨَلْبِي مَا تَرْمِيشَهْ الرُّوحْ بْعَفْسْتِكْ مَبْصُومَة وْ بِينِكْ خْيَالْ وِ حْڨِيڨَة وْ نَا خَيَّالْ لاَحِڨْ النَّسُّومَة غَدِّيتْ جُرّْتِكْ بِتْمَهْمِيشَة صِرْنَا جُرْتِكْ فِي خْصُومَة وْ دِينِكْ نِمّْنَهْ فِي دْڨِيڨَة غَزْوَاتِي لْصَالْحِكْ مَحْسُومَة وْ نَزْوَاتِي مْعَ زَرْڨْ سْمِيشَة تَطْفَى ثَانَا اللِّيلْ نْصُومَهْ