ولد الربط

تسلوست الذكريات من شقوق الحاضر وفاح الماضي وتبمبر وقالي مسيطر : سجل ودون... أحييني من روحك مغنى وحركني بحروفك معنى... خلدني في التاريخ وانا منو... وأنت ما تنجم تستغني عني وعنو... لبيت... بربشت صغري ولكبري تعديت طاوعتني حروفي... عبرت على حكاية روحي ... نحكيهالكم وشي ما خبت... أنا الحكاية... قد تكون ليك مرايا... وإلا أرميها على الحيط... ولد الربط يستدعيك ليه وليك... وحياتك كي حياتي قصة فيها الغصة إكتبها في ذاكرتك وإلا في الكتاب يبقى بعدك قبل ما يفوت الفوت... وإذا تذكروك يعلقولك عنقود.......